Три оброци брза храна неделно можат да доведат до појава на астма и егзема кај децата, предупредуваат лекарите.

Тие наведуваат дека високото ниво на заситени масти во храната, како хамбургерите, влијаат на слабеењето на имуниот систем.

Истражувањето, со кое се опфатени деца во повеќе од 50 земји, покажало дека тинејџерите кои јадат три или повеќе оброци брза храна неделно имаат 39% поголеми шанси да заболат од акутен облик на астма. Ризикот кај помладите деца изнесува 27%.

Двете категории на деца исто така се посклони да добијат алергиски ринитис или риноконјуктивитис кој ја напаѓа слузницата на окото.

Научниците истакнуваат дека три проции овошје и зеленчук неделно можат да го намалат овој ризик за 14% кај најмладите деца, а за 11% кај тинејџерите.

Истражувањето го спровел тим од Универзитетот во Окленд, Нов Зеланд, кој ги испитал прехрамбените навики на 181.000 деца на возраст од шест до седум години и 319.000 деца на возраст од 13 до 14 години.

„Постои сомнеж дека брзата храна допинесува на порастот на бројот на случаи на астма, риноконјуктивитис и егзема кај децата, а дека редовното конзумирање на овошје и зеленчук може да го заштити нивниот организам од овие болести“, навеле новозеландските истражувачи.