Во истражување спроведено на дури 250 000 луѓе стручњаците забележале дека депресијата се јавува почесто кај конзументите на пијалоци со вештачки засладувачи. Од друга страна, оние кои пијат кафе можат да воздивнат затоа што кафето има целосно спротивен ефект...

Американски научници ја пронашле поврзаноста меѓу редовната конзумација на диетални пијалоци и појавата на депресија, пишува ББС. Во истражувањето спроведено на дури 250 000 луѓе стручњаците забележале дека депресиајта е почеста кај постојаните конзументи на пијалоци со вештачки засладувачи.

Од друга страна, редовното пиење кафе го намалува ризикот од депресија. Луѓето на кои кафето им е омилен дневен ритуал во текот на период од 10 години колку што траело истражувањето, имале 10% помалку шанси за појава на депресија, во однос на оние кои не пиеле кафе.

Но, оние кои пиеле по четири чаши пијалоци без шеќер, односно пијалоци во кои има вештачки засладувачи го зголемиле ризикот од депресија за околу третина.

"Нашите научници препорачуваат намалена конзумација на таквите пијалоци за природно да се намали ризикот од депресија", изјавил водичот на истражувањето, доктор Хонгли Чин.