Сите си поткаснуваат и потпивнуваат повеќе за време на празниците, но последиците од празничните гостења им влијаат лошо на жените...
Британското истражување покажа дека, мислата да настапат на вагата по празниците, за претставничките на понежниот пол, е пострашна од можноста да бидат оставени од партнерот. Речиси една третина од британките изјавиле дека тоа е најголемиот страв во јануари, а само 12% изјавиле дека се плашат од неуспех во врската.
Само посета на стоматолог влева поголем страв кај дамите. 32 проценти изјавиле дека тоа е најголемиот страв за нив. Меѓу другите стравови на жените се да бидат видени голи од колега (19,5%), проверка на банкарската сметка по претеран шопинг (19%) и полагањето на испит за возачка дозвола (9%).
Стравот на дамите од тежината по празниците, тера една петтина од нив да стапнат врз вагата дури цели две недели по празниците. 40% одбиваат воопшто да се измерат по празниците.
Истражувањето исто така покажува дека 18% од британците би ги лажеле своите пријатели или роднини, ако ги прекршиле своите новогодишни ветувања.
Мажите се поголеми лажговци, дури 20% би ги убедувале своите пријатели дека го исполниле ветувањето, иако всушност не се, спрема 17% од жените. Други 20% изјавиле дека, би се чувствувле задоволни, ако успеат да се придржуваат кон ветувањето подолго од пријателите.
