Секоја Нова година си ветуваме десетици работи и си поставуваме неколку цели, меѓу кои би било добро да го вклучите и овие десетина. Ако ги исполните, сигурно следната Нова година ќе се чувствувате како нов човек...
"Да пешачам повеќе!" Во оваа здрава цел се вклучува секакво движење и спорт. И за да биде конкретна и извршна вашата цел, може да си одредите 2 дена во неделата, во кои ќе трчате наутро по 20 мин, еден во кој ќе пешачите до работа, итн. Со текот на времето може да ги зголемувате часовите и деновите движење. Колку повеќе се помрднувате, толку поенергични ќе се чувствувате, ќе ја зајакнете мускулатурата, ќе го намалите ризикот од срцеви заболувања и дебелината.
"Да пијам и да пушам помалку!" Овие два порока неспорно ве стареат! Но, не станува збор за тоа воопшто да не пиете, туку да не го злоупотребувате алкохолот. А што се однесува до цигарите ... нема да се повторуваме, само ќе кажеме "простете се од белиот и црниот дроб!"
"Да доручкувате секое утро!" Појадокот е најважниот оброк во денот, кој го обезбедува дневниот фонд на енергија, и при што се акумулираат најмалку масти. А во остатокот од денот јадете балансирана храна (повеќе овошје, зеленчук, риба), често, но по малку.
"Да не правам повеќе компромиси со својот сон!" Многумина, поради работа, забава или нешто друго, не се наспиват и така постепено се акумулира еден брз замор. А сонот е важен за физичкото и менталното здравје.
"Ќе се грижам подобро за забите!" Тоа не значи само почести прегледи, туку и создавање на навики како миење на забите наутро и навечер (добро е и по секој оброк), користење на вода за плакнење на усната шуплина и конец за заби. Така драстично ќе ги намалите проблемите со забите и лошиот здив.
"Да пијам повеќе вода!" Колку често ви се случува во 4 попладне да сфатите дека сте цел ден сте само на кафе. Водата е универзален лек од природата, подмладува, дава енергија, го регулира крвниот притисок и др. Затоа не отргнувајте го организмот од водата, а пијте најмалку 1,5 - 2 литри на ден. И заборавете на газираните пијалоци и калоричните сокови со дузина конзерванси.
"Да се занимавам повеќе со хоби!" Хоби подразбира нешто што ви е пријатно и соодветно ви предизвикува позитивни емоции. А позитивните емоции се здрави, ве полнат со енергија и помагаат да се ослободите од стресот.
"Да се смеам повеќе!" И бидејќи сосила смеа нема, затоа ветети си дека оваа година ќе се посветите на активности кои насмеваат (забавно кино или театар, боричкање и скокоткање со саканиот човек, итн), излегувајте со луѓе кои ве смеат.
"Да си дадам одмор од технологијата!" Возрасните им приговараат на своите деца дека стојат со часови пред компјутер и телевизорот, но и возрасните се за карање во овој поглед. Технологијата им штети на видот, на социјалниот живот, доведуваат до седечки начин на живот, а оттаму до голем број здравствени проблеми.
"Да ја намалам манијата за исончан тен!" Внимавајте на кожата, таа е првото нешто по кое луѓето судат за вашата возраст. Сонцето ја оштетува кожата и ја тера на брзо стареење.
И нешто што не е поврзан со вашети, туку со нечие друго здравје - Донирајте крв најмалку еднаш во годината.
