Во Аргентина се користи терапија со танго за да им се помогне на психички болните пациенти и лицата кои се чувствуваат осамено, пред се поради годините кои ги имаат...

"Држењето на друго лице во прегратка е она што тангото го прави посебно, на тој начин се создава некоја врска на љубовен однос", рекла Силвина Перл, која раководи со танго работилницата при Психијатриската болница во Буенос Аирес.

Во тангото, двајцата партнери мора да сметаат еден на друг, неопходни се еден на друг и несомнено дека тоа, како и близината која ја наметнува танцот, им овозможува на пациентите да се чувствуваат подобро во текот на часовите по танго.

Перл навела и дека тангото нормално не ги отстранува сите здравствени пречки, но дека после часовите, пациентите немаат веќе халуцинации, дека се сконцентрирани и преокупирани со внимание добро да ги изведат чекорите.

Играњето танго повеќе часови неделно би можело на пациентите да им овозможи да заборават на своите проблеми, да се почувствуваат дека некој ги слуша и да бидат во друштво на други луѓе. Освен тоа, психички болните пациенти не би требало да имаат напади во текот на часовите по танго.

Конечно, часовите по танго можат да имаат многу позитивно дејство на постарите лица, овозможувајќи им да се чувствуваат помалку осамено.