Стандардот за убавина е променет - убавите жени треба да се високи 170 см и да тежат 77 килограми, покажува најновото истражување....

Апсолутен идеал за изглед не постои, но, утврдените стандарди за убавина покажуваат дека привлечните жени треба да се високи и со малку прекумерна тежина. Неодамна стана јасно дека полните претставнички на понежниот пол живеат подолго, а сега дознаваме и дека се сакани од мажите.

Секако, многу важен е односот помеѓу висината и тежината, што може да се достигне со оптимална варијанта на здрава храна и рационална исхрана.

Со текот на времето желбите на посилниот пол се менуваат. Порано се сметаше дека мажите паѓаат на тесни колкови, големи гради и долги нозе. Но, портретот на современата "совршена жена" буквално ги собира во едно цртите на неколку познати личности. Поточно тоа се носот на Натали Портман, усните на Скарлет Јохансон, јаболчниците и брадата на Хали Бери, кожата на Ејми Адамс и телото на Пенелопе Круз.

Во меѓувреме, во многу земји започна кампања насочена кон борбата со нездравиот живот. Во Израел беше воведен закон кој ја забранува појавата на премногу слаби манекенки на кои им се диват младите жени.