Чајот од кората или лисјата на дивата круша успешно лечи воспаление на бубрези и мочни канали, го намалува нивото на шеќер во крвта, а може да послужи и за прочистување на организмот...

Дивата круша е вкусна и богата со лековити својства - од овој плод се подготвува ракија, џем и чај. Чајот од дива круша се користи како природен антибиотик кој го подобрува исфрлањето на штетните материи од организмот. Често се применува за подготовка на напивки против кашлење и засипнатост, но и за обновување на цревната слузница.

Чај од лушпата на плодот
Напивката од лушпата на дивата круша е идеален за прочистување на организмот и намалување на нивото на шеќер во крвта. Ставете две супени лажици лушпи во 6 дцл. ладна вода и ставете ја да врие. Откако ќе зоврие оставете да одстои околу пет минути, а потоа процедете го чајот. Филџанот со подготвениот лек испијте го наутро на гладен стомак, вториот филџан испијте го половина час пред ручек, а третиот половина час пред вечерата. По 20-тина дена "дива" терапија, направете проверка на вашата здравствена состојба.

Чај од лисјата на плодот
Листот на дивата круша подготвен како чај ефикасно делува при лекување на воспаление на бубрезите, бешиката и против ноќно мокрење. Исто така, помага и при лекување на реума и хелио бактерии. Идеално средство е за подобрување на имунитетот. За подготовка на лековитиот чај потребно е да прелиете 2 супени лажици лисја од круша со 6 дцл. зовриена вода и да оставите да стои поклопено околу половина час. Процедете и пијте повеќе пати во текот на денот.