Изразувањето на негативни емоции е добро за здравјето. Лицата кои своето незадоволство го искажуваат, на пример, со револт живеат подолго од оние кои го премолчуваат она што им пречи...

Лицата кои се жалат во текот на целиот ден можат да живеат подолго од останатите, покажале резултатите од истражувањето на група германски научници.

Научниците, кои со години следеле повеќе од 6 000 пациенти, дошле до заклучок дека лицата кои имаат навика да изразуваат лошо расположение помалку се погодени од физички и психички заболувања.

Спротивно на нив, лицата кои во себе ги задржуваат негативните емоции се изложени на кардиоваскуларни заболувања, зголемен крвен притисок, рак или болести на бубрезите.

Научниците, чие истражување е објавено во научното списание "Journal Health Psychologies", не прецизирале колку години се во "предност" оние кои изразуваат лошо расположение, но укажале на тоа дека е добро луѓето да не ги задржуваат негативните емоции во себе туку колку можат повеќе да ги изразуваат.