Женските гради се нешто што им помага на бебињата да растат, им обезбедуваат храна и нешто со што жената треба да се гордее...

За нив сепак треба жената да вложува секојдневни грижи.
На прво место е важно да носите соодветен градник. Тој треба да биде ниту многу тесен, ниту многу широк. Треба да биде по мерка за да ги извршува своите функции, без да создава непријатност за градите. Треба да биде добро избран во комбинација со вашите гради.

Второ, исто толку важено е масажата на градите. Најдобро е после туширањето да ги масирате градите со млаз вода од млака вода. Треба да се избегнуваат кремите и други масла во овој дел од телото, бидејќи сите тие содржат хемикалии кои не се корисни за телото кога се во големи количини.

Градите можат да се масираат и со раце, но задолжително допирот на рацете треба да биде нежен. Не треба да се дава сериозен притисок, бидејќи постои опасност да се повредат млечните жлезди, кои се исклучително важни за бебињата. Масажата на градите ја засилува циркулацијата во тој дел од телото и така се обезбедува убав изглед на градите.

На трето место за стегнати и убави гради можат да се прават одредени вежби кои имаат докажан ефект доколку имате трпение и упорност. Најлесна таква вежба е кога ќе ги соберете дланките на рацете точно пред градите и држење за неколку секунди, а потоа го правите пак и пак во рок од неколку минути. Притискањето на рацете една со друга создава тензија во мускулите и така се оптоваруваат токму овие мускули, кои се грижат да имаме цврсти и убави гради.

Вежбата е препорачливо да се прави секој ден, затоа што здравјето и убавината се секојдневна нега.