Жените можат да му завидуваат на спротивниот пол поради уште една предност - можноста да јадат повеќе чоколадо...

Се ближат Божиќ и Нова година и жените се повеќе размислуваат што да им подарат на своите половини за да ги искомбинираат убавото со корисното. Истражување на Институтот за исхрана и здравје во Велика Британија откри дека чоколадото има многу посилни лековити сили кај посилниот пол. Темното чоколадо е уште покорисно од млечното и штити од мозочен удар и болести на срцето.

Научниците го истражувале влијанието на чоколадото врз крвното згрутчување. Тие дошле до заклучок дека десертот е богат со флаваноли кои имаат благотворно влијание врз тромбоцитите, кои помагаат при згрутчување на крвта.

Единствениот недостаток е тоа што ефектот поминува брзо. За тоа е препорачливо мажите да конзумираат чоколадо секојдневно. Според претходните истражувања, тој го намалува крвниот притисок и ја подобрува инсулинската чувствителност, намалувајќи го ризикот од дијабетес.