Колку и да сте големи љубители на зимата, треба да признаете дека колку и да ја сакате таа сепак со себе води и некои не толку пријатни последици за нашиот надворешен изглед- испукани, суви и разранети усни, на пример...

Затоа денес ќе споделиме неколку трикчиња кои ќе ви помогнат да уживате во мазни и меки усни дури и во текот на студените месеци.

Првиот совет е во зима да конзумирате повеќе течности и сочни плодови. Тие ќе помогнат за хидратацијата како на целата кожа, така и на вашите усни.

Главен чекор во грижата за усни, особено во зимските месеци, е доброто ексфолирање. Тоа ќе помогне за отстранување на површинскиот слој мртви клетки, за забрзување на циркулацијата и подобрување на текстурата.

Ефикасен трик е масажа на усните со четка за заби или влажна крпа.

Ексфолирањето лесно може да го направите сосема сами дома, со правење на смеса од кафена лажичка мед, кафена лажичка сода и неколку капки маслиново масло.

Друго многу важна правило е да не излезете од дома без балсам на усните. Тој ќе ја задржи нивната влажност и ќе ги заштити од неповолните надворешни фактори, како студ, ветер и др.

Избегнувајте ги балсамите со ментол, бидејќи тие уште повеќе ги сушат усните.