Научниците на Институтот Розвел Парк во САД, развиле вакцина за која тврдат дека ги уништува ќелиите на ракот и спречува повторно враќање на болеста...

Како што пренесува Радио Слободна Европа, американската агенција за контрола на храна и лекови FDA издала одобрение за производство на експериментална терапија наменета за тестирање на луѓе.

Институтот развил процес во кој од пациентите се земаат канцерогени ќелии кои потоа се менуваат и "учат" да се бранат, при што ги убиваат канцерогените ќелии, а потоа се враќаат во пациентот.

"Вооружени со специјален протеин, ќелиите се враќаат во пациентот во вид на вакцина која е дизајнирана да создаде војска од ќелии убијци кои при тоа го пронаоѓаат и го уништуваат ракот", соопштиле од Институтот.

Вакцината ќе се произведува исклучиво во Институтот.