Не само што мажите имаат поголеми шанси за дијагноза на рак од жените, туку имаат и поголеми шанси да починат од таа болест.

Со анализа на податоците на американскиот регистер од заболени од рак, освен карциномите поврзани за полот, утврдено е дека мажите во последните десет години имале поголеми шанси да починат од секој од тие карциноми.

Според пресметките, дополнителни 24.130 мажи умреле во Америка секоја година благодарение на нивниот пол.

Во рамки на истражувањето чии резултати се објавени во професионалното списание The Journal of Urology обработени се податоците од американскиот регистер на заболени од рак од 2003 до 2012 година и утврдено е дека бројот на починати во тој период континуирано паѓал - вкупно 10 проценти во тек на десет години.

Меѓутоа, цело време бројот на умрени мажи бил поголем од бројот на умрени жени.

На основа на тие податоци, научниците пресметале дека во 2012 ќе се постават вкупно 575.130 дијагнози на рак кај мажи и 457.240 кај жени, при што се исклучени карциномите поврзани со полот.

Исто така пресметале дека до крајот на година од рак ќе починат 243.620 мажи и 182.670 жени.

Тоа за мажите значи по една смрт на секои 2,36 нови дијагнози на рак, а за жените една смрт на 2,5 нови дијагнози на рак.

Научниците велат дека не се познати причините за тоа, но сметаат дека меѓу можните фактори се и тоа што мажите повеќе пијат и пушат од жените, а и поретко одат на лекар, па дијагнозата се поставува подоцна, кога болеста е понапредната и потешко се лекува.

Исто така се смета дека хормоните играат улога во различни одговори на имуниот систем на жените и мажите на тумори.