Производите за убавина служат за да ни ја олеснат секојдневната beauty рутина и нашиот изглед да го направат уште подобар, но ако погрешно ги употребувате, може токму со нивна помош да и наштетите на вашата коса, кожа и тело...

1.Пегла за коса
Кога е во прашање пеглата за коса, нема многу двоумење. Ако излегува пареа од вашата коса при употребата - пеглата е на превисока температура. Тоа доведува до оштетување и дехидрација на косата и испукани и суви врвови.

2.Четка
Четката помага косата да изгледа уредно и сјајно, но ако со неа ја чешлате мократа или полусува коса, можно е така да ги искинете влакната. Морате да ја расчешлата мократа коса со обичен чешел, а четката оставете ја за сува коса. Секако, друга работа се четките за фенирање кои се осмислени за допир со полусува коса.

3.Шампон
Иако неговото користење изгледа едноставно, многу фризери предупредуваат дека жените токму при користењето на шампон многу грешат. Пред да се нанесе шампон косата треба да биде сосема мокра, количината на шампонот која ја нанесувате не би требало да биде поголема од монета од 5 денари, најважно е со шампонот добро да го измасирате темето, а уште поважно е добро да ја измиете косата потоа.

4.Фен за коса
Кога фенот се држи близу до главата добивате брзи резултати, но и сува и оштетена коса. Подобро одвојте малку повеќе време и внимавајте фенот секогаш да го држите барем 20 сантиметри оддалечен од главата.

5.Лосион
Многу жени со лосионот се обидуваат да го исчистат лицето, но тој воопшто не е наменет за тоа. Лосионот се користи по чистењето за на кожата да и ја врати влажноста која сме ја отстраниле со миењето и така ја подготвува за нанесување на крема. Исто така постојат антибактериски лосиони кои делуваат на мозолчињата и акните и "anti age" лосиони кои делуваат на брчките, но ниту тие не служат за отстранување на шминката од лицето.