Некои жени имаат природно чувствителна кожа и чести проблеми со црвенилото, но во зима дури и помалку чувствителните типови на кожа знаат да патат од црвени дамки на образите, лупење на кожата поради сувост како и непријатно чувство на затегнатост...

За да ги спречите или барем ублажите овие симптоми ви ги предлагаме следниве неколку потези:

1.Зголемете ја хидратацијата
Поради ветерот, зимата и греењето, кожата побрзо ја губи својата влажност поради што доаѓа до чувство на затегнување. За да го спречите тоа зголемете ја негата со хидратантна крема и користете и лосион кој ја влажни кожата и помага активните состојки од кремата да продрат подлабоко.

2.Носете пудра
Верувале или не, пудрата ја штити кожата од ветарот и штетните влијание па во зимскиот период е пожелно да се користи, особено ако во текот на денот многу време поминувате на воздух.

3.Антиоксиданси
Збогатете ја исхраната со природни антиоксиданси. Можете да ги најдете во бобинките, црното вино, сливи, јаболка, кромид, лук, спанаќ, морков, зелка, киви...

4.Хидратизирајте и во текот на денот
Ако поминувате многу време на сув воздух, со себе носете мало шишенце термална вода во спреј или хидратантна крема со кои во текот на денот ќе можете да го освежите лицето.

5.Кожата третирајте ја внимателно
Ако имате проблеми со црвенило, во зима престанете да користите агресивни третмани и производи. Грубите пилинзи заменете ги со оние со помали зрнца, а наместо крема со салицални киселини изберете хранлива или хидратантна, зависно од типот на кожата.