Во последните години студеното време се повеќе не изненадува, бидејќи вистинската зима остана само спомен од детството. Навикнати сме на меки зими и кога падна мраз, тој не затекна неподготвени. Жртви на ниските температури можат да станат и децата и возрасните. До какви точно компликации и неправилности во работата на организмот може да доведе студот...

Може да предизвика алергија
Мразовата алергија обично настанува при температура од минус 10 степени. Кај сите луѓе носот поцрвенува и кожата на лицето почнува да штипе. Ако сепак се појави осип по целото тело, како и отоци, значи тоа е алергија. За да ја отстраните најдобро консултирајте со вашиот лекар.

Има влијание врз работата на кардиоваскуларниот систем
Во ладните денови се зголемува ризикот од појава на ангина пекторис и дури инфаркт. Тоа е затоа што од студ садовите се свиваат, а падот на температурите предизвикува грчеви, што може да доведе до лоши последици. Кардиолозите препорачуваат пред излегување надвор не одете веднаш од топлиот стан на студот, останете 2-3 минути во влезот, за да не дојде до толку нагла промена на температурите. Се разбира, не превземјате ништо без да се посоветувате со специјалист.

Загрозени се и оние што страдаат од хипертензија
Ако се чувствувате лошо, консултирајте се со вашиот лекар. Тој може да ја зголеми дозата на лековите кои ги земате или да ве советува да ги пиете почесто.

Може да дојде до изострување на хроничните болести
За време на студените денови имунитетот слабее, а од тука може да се влошат хроничните заболувања. Затоа не игнорирајте ја грижата за здравјето и консумирајте повеќе овошје и зеленчук, кои го снабдуваат организмот со витамини.