Заедно со цитрусите, кивите се најдоброто овошје за зимските денови. Побогати се со витамин Ц од портокалите, одлични се за јакнење на имунитетот и во борбата против вирусите...

Ова мало овошје потекнува од Кина, преполно е со витамини и минерали кои благотворно делуваат на целокупната здравствена слика.

Кивите се овошје кои трудниците би требало да ги внесуваат со својата исхрана. Имено, кивите се богати и со витамините од групата Б кои помагаат за здрав и правилен развој на фетусот. За својот крвен притисок да го одржуваат во нормала, им се препорачува на луѓето кои имаат проблеми со висок притисок. Богати се со влакна и разни витамини и минерали кои меѓу останатото се заслужни и за добро варење, намалување на холестеролот, чување на видот, јакнење на имунитетот и исфрлање на токсините од организмот.

Иако се достапни во текот на целата година, кивите најдобро е да се конзумираат во текот на зимските денови кога нивното дејство најмногу доаѓа до израз. Конзмумирајте ги свежи и секој ден, и ќе се уверите во нивната добра страна, а ќе забележите и промени на вашата кожа бидејќи кивите ја штитат од сушење и ја прават нежна, што е од посебна важност во овие ладни денови.