Само час време повеќе сон ќе го намали вашиот крвен притисок за само шест недели, покажале истражувањата.

Професионалците од Медицинскиот факултет на Харвард утврдиле дека личностите кои спијат седум часа или помалку можат да го намалат својот крвен притисок за само шест недели, само ако си легнат час време порано.

Истражувањето опфатило 2.000 луѓе кои покажувале рани знаци на висок притисок, а спиеле седум или помалку часа секоја ноќ. Се согласиле секоја ноќ да легнат час време порано, и по шест недели забележано е враќање на притисокот во рамки на нормалата.

Daily Mail потсетува дека високиот притисок се појавува како причина за половина од срцевите и мозочни удари, но и дека премалку сон и стресот се вбројуваат меѓу факторите кои го предизвикуваат.