Една состојка од пивото може да штити од настинка па и некои сериозни детски болести, тврдат јапонските стручњаци...

Утврдено е дека хемиското соединение од хмељот, под името хумулон, кои го користат пиварите за пивото да добие горчлив вкус, претставува ефикасна одбрана против РС вирусот, кој може да предизвика сериозен облик на воспаление на плучата и бронхитис кај најмладите.

Исто така, хумулонот возрасните ги штити од настинка.

Проблемот со лечењето со пиво е во тоа што би требало да се испијат околу 30 лименки пиво од 350 мл. за хумулонот активно да делува на нашиот организам.

Затоа јапонските стручњаци сега ја разгледуваат можноста за внесување на одредена количина на хумулон во храната и безалкохолните пијалоци, а предизвик претставува и тоа како да се неутрализира неговиот горчлив вкус.