Една неодамнешна студија покажала дека бројот на сперматозоиди во спермата на Французите опаднал за дури третина а научниците најавуваат нови истражувања на таа тема...

За помалку од 20 години бројот на сперматозоидите опаднал за речиси третина кај машките жителите на Франција. Со тоа, во текот на ист временски период дошло и до пад од 33,4% кога станува збор за брјот на нормално формирани сперматозоиди.

Во оваа 17-годишна студија учествувале 26,600 мажи.

"Според нашите сознанија, ова е прво истражување кое се занимаваше со сериозниот и општ пад на концентрацијата и морфологијата на сперматозоидите во текот на подолг временски период", напишал еден од авторите на студијата.

"Ова би требало да биде сериозно јавно предупредување, а додатно ќе бидат испитани и факторите на окружувањето и можноста на нивното влијание на ваквиот драматичен пад на квалитетот на спермата".

Кај просечен маж од 35 години бројот на сперматозоидите опаднал од 73,6 на 49,9 милиони по милилитар. Меѓутоа, др. Ле Мол упатува дека бројот на сперматозоиди останал во рамките на потребниот број за плодност кој според Светската здравствена организација изнесува 15 милиони по милилитар.