Научниците советуваат да јадеме чоколадо, бидејќи е корисно за здравјето, но само во умерени количини. Се чини дека претерувањето со него може да ви наштети, предупредуваат истражувачите од Харвард...

Секоја храна е штетна, кога се консумира во големи количини, а тоа важи со полна сила и за чоколадото, покажуваат истражувањата на 30 000 Швеѓанки на возраст меѓу 48 и 83 години. Резултатите покажуваат дека конзумацијата на темното чоколадо од еден до три пати во месецот штити од срцеви проблеми.

Препорачливо е да консумирате најмногу по 30 грама чоколада месечно, ако сакате да го намалите ризикот од срцеви проблеми за 32%. При прекумерна конзумација позитивниот ефект исчезнува.

Други истражувања покажуваат дека умерената конзумација на чоколадо помага и за намалување на крвниот притисок.

Корисните состојки кои се содржат во чоколадото се флавоноиди и антиоксиданси, кои присуствуваат уште во цитрусовите плодови, кромидот, зелениот чај и црвеното вино. Претходното истражување покажува дека луѓето кои јадат чоколадо по малку секоја недела го намалуваат ризикот од мозочен удар за 22%, бидејќи овој десерт ја подобрува циркулацијата и протокот на крв.