Кон пиењето на чаеви повеќето нас прибегнуваат за да се излечат од нешто или да се загреат. Како што доаѓаат студените денови, веројатно употребата на чај ќе биде зголемена, а доколку се мислите кој чај за што е добар ние ќе ви помогнеме да дознаете...

Чајот од камилица се употребувапри лекување од очни инфекции, стомачни тегоби и иритации на кожата, добар е за грлото, кога ќе загнои заб или оток и воспаление на непцата, против мачнини во стомакот и проблеми со варењето.

Препорачливо е да се пијат три филџани чај од бозел  дневно, засладен со мед, секогаш после јадење. Помага кај бронхитис, мали сипаници, шарлах, реума и гихт.

Чајот од нане го смирува стомакот, ја намалува температурата и ги намалува болките, додека чајот од мајчина душичка се препорачува за смирување и против засипнатост.

Зелениот чај содржи корисни полифеноли кои се многу јак антиоксиданс, затоа помагаат во борба против ракот или при диета кај луѓето кои имаат бавен метаболизам. Можете да го пиете ладен во комбинација со лимон, а помага при губење на килограмите, штити од рак, го намалува ризикот од мозочен удар и ги чува непцата.

Црниот чај помага при намалување на крвниот притисок и така го чува срцето и крвните садови. Чајот од брусница има извесно антибактериско и антиканцерогено дејство и се препорачува кај проблеми со мочните патишта. И увин чај е исто така добар за проблеми со мочните канали.

Три филчани чај од хибискус дневно ја намалува опасноста од зголемен крвен притисок. Овој чај содржи и витамин Ц, што го прави добар афродизијак. Жалфијата е добра за миење на грлото и усната шуплина кај некои воспаленија. Чајот од шипка е добар против настинка поради тоа што содржи витамин Ц, а чајот од липа се препорачува за добар сон.