Недоволниот сон може да предизвика болки во зглобовите и ограничување на движењата, предупредуваат научниците...

Артритисот може да се појави како резултат на недоволниот сон. Упорната и непријатна болка во грбот, нозете и рацете може да биде предизвикана од лошиот квалитет на спиењето. Експертите утврдиле дека речиси две третини од луѓето кои страдаат од оваа болест, се жалат од непроспиени ноќи. Многумина не ја поврзуваат непријатната болка со немирното спиење, но според експертите тоа не е мал проблем.

Освен тоа, лошиот сон го слабее целиот имунолошки систем, а потоа постепено води кон ерозија на 'рскавицата. Нарушувањата во сонот можат да доведат до дисбаланс на хормоните што пак може да поттикне воспаление. За време на спиењето телото се обновува, имунолошкиот систем зајакнува, а човек се буди полн со енергија за движење во текот на целиот ден.