Азијската исхрана е богата со здрави намирници, а освен оризот на секојдневното мени се наоѓа и разновидно овошје и зеленчук кои се главни борци против килограмите. Дали знаевте дека Азијките немаат проблем со целулитот? Тајната се крие токму во исхраната, а ако сакате да ја испробате азијската диета бидете подготвени на вкусна исхрана и богати оброци кои нема да ви здосадат.
Кај азијската диета не е важно колку јадете, туку што јадете на дневна, неделна и месечна база. Оваа диета е многу здрава, а ако бидете навистина дисциплинирани можете да очекувате неверојатни резултати.
Секојдневна исхрана
Оризот е главна житарица и се наоѓа на секојдневното мени. Но, ако сакате понекогаш да ја замените со некој друг прилог, нека тоа бидат интегрални резанки, пченка или интегрален леб (колку што е можно помалку).
На секојдневното мени се наоѓа разновиден зеленчук, и тоа во големи количини. Акцент ставаме на морков, спанаќот, марулата, зелката, блитвата, лукот и кромидот. Пред се зеленчукот јадете го свеж со оцет и зејтин, но може и готвен.
За овошјето не треба посебно да зборуваме, затоа што сите многу добро ја знаеме неговата важност. Јадете разновидно овошје кога и да ви падне на памет.
Сојата и оревестите плодови се многу здрави и корисни, па исто така можете да ги конзумирате на дневна база. Истото важи и за рибата и млечните производи од кои ги издвојуваме свежото сирење и јогуртот.
Еднаш неделно
Исхраната на неделна база се поврзува со слатките. Ако посакате нешто слатко, подобро изедете овошје или младо сирење со мед и ореви. Препорака е и темното чоколадо со 75% какао. Истото важи и за месото и јајцата. Направите вкусен ручек од пилешко или мисиркино месо во комбинација со зеленчук и ориз.
Еднаш месечно
Црвеното месо многу ретко се конзумира во азијската исхрана. Телешко, јагнешко, а посебно свинско би требало да јадете колку што е можно поретко. Ваквиот начин на исхрана се покажал како полн погодок затоа што нема гладување, а исхраната е многу разновидна и здрава.
Азијската диета ги ограничува мастите, а речиси во целост ги елиминира штетните заситени масти кои, покрај шеќерот, се главна причина за трупење на килограми и целулит.
