Алкохолизмот го зголемува ризикот за оболување од рак, нагласуваат експертите, додавајќи дека е непознато кои се последиците од полесното и умерено користење на алкохол.

Студија од САД за поврзаноста на алкохолот и ризикот од рак покажала дека лицата кои во голема количина конзумираат алкохол во испитувањата наведуваат дека пијат умерено, што оневозможува добивање на вистински податоци.

„Ако една низа алкохоличари наведува на испитувањето дека пие само малку, последиците од поголемо конзумирање на алкохол се пренесуваат на умерено конзумирање“, укажал Артур Клацки на Европскиот конгрес во Виена.

„Меѓутоа, постојат многу причини поради кои силното конзумирање на алкохол треба да се избегнува, и тоа важи и за послабото конзумирање“, нагласува тој.

Митовите и недоразбирањата за настанувањето и первенцијата од рак се широко распространети и оневозможуваат превентивни мерки, оценил Дерек Пауер од ирската болница „Корк“.

Тој кажал дека многу испитаници на една ирска студија ги потценуваат ризиците од заболување од рак во врска со алкохолизмот, влијанието на сончевите зраци, но и прекоумерената телесна тежина.

„Многу луѓе, без објаснување, мислат дека удирањето во гради, стресот, носењето на тесна долна облека, користењето на мобилни телефони или генетски модифицирана храна претставуваат значајни фактори за ризик“, објаснува тој.

Пауер нагласил дека пред се исхраната и стилот на живот, вклучувајќи го и пушењето, се одговорни за 90 до 95 проценти заболувањето од карцином, а само 5 до 8 проценти е генетска причина.