Нашиот омилен пијалок утро рано, има и многу козметички таленти. Најпознат квалитет на кофеинот е смелата борба против целулитот...
Кремите за тело што содржат кофеин, се користат против кожата портокал и докажано подобро се справуваат од кој и да е друг производ со растителни екстракти.
Исто така кофеинот ја подобрува состојбата на тенот на кожата, бидејќи ја активира циркулацијата.
Помага за падот на отоците и торби под очите ... Можеме да продолжиме и уште, и уште, но преферираме да ви дадеме неколку проверени рецепти за домашна козметика со кафе.
Значи, ако имате чувство дека вашата кожа ги изгубила свежината и сјајот, обидете се да ја разбудите нејзнината убавина со помош на маска со кафе.
Еве на пример, еднаш неделно Ева Лонгорија меша талог од кафе со маслиново масло и сок од лимон и ја држи маската околу 20 минути на лицето.
За сува и нормална кожа
Измешајте талог од кафе и урда во еднакви пропорции и промешајте добро.
Добиената смеса нанесете ја на лицето со помош на нежна масажа.
Масирајте во период од 1-2 минути и оставете ја маската да отстои уште 10 минути. Потоа измијте со топла вода.
Прочистувачка маска
Измешајте талог на кафе со малку сол, цимет, 1 лажица маслиново масло и 1 лажичка шеќер.
Добиената текстура нанесете ја на лицето повторно со лесни движења.
Масирајте 10 минути и исплакнете со топла вода.
Чистење на порите со пилинг од мед и кафе
1 лажица (со врв) ситно мелено кафе
2 чајни лажици маслиново масло
1/2 кафена лажичка мед
Измешајте ги состојките и нанесете ја добиената смеса со кружни движења на претходно исчистено лице. Оставете да постои малку, а потоа измијте со топла вода.
