Дебелите луѓе се посреќни, бидејќи генот поврзан со прекумерната тежина, го намалува и ризикот од депресија, покажа новото истражување, цитирано од британскиот весник "Daily Teleghraph"...

Луѓето со специфични варијанти на генот FTO, најголемиот генетски фактор за зголемената телесна тежина се изложени на 8% помала опасност од депресија, открија научниците. Откритието, кое за прв пат го поврзува генот со заштитата од депресија, може да се објасни зошто некои луѓе се посреќни од другите.

Тоа го става под сомнение општото мислење дека прекумерната телесна тежина и депресијата се засилуваат меѓусебно, односно сите луѓе се повеќе склони кон депресија поради својот изглед, а депресивните луѓе се со поголема веројатност да качуваат килограми поради не толку активен начин на живот и нездрави навики за јадење.

"Разликата од 8% е скромна и нема да ги промени многу секојдневните грижи за пациентите, но откривме нова молекуларна основа за депресијата", изјави раководителот на истражувањето д-р Дејвид Мејор. Претходното истражување врз близнаци и други браќа и сестри покажа дека во 40% од случаите депресијата е наследна, но ниту една студија не успеа категорично да поврзе одредени гени со болеста.

За целите на новата студија научниците анализирале податоци од 17 200 примероци од ДНК, донирани од доброволци од 21 различни земји во рамките на поширок проект на Институтот за истражување на јавното здравје. Научниците откриле дека варијантата на генот FTO, за кој веќе беше докажано дека го зголемува ризикот од прекумерна тежина, го намалува ризикот од депресија. Истата врска била воспоставена подоцна од други три големи меѓународни студии.