Ноември полека се движи кон крајот, а со него дојдоа и ладните денови кои нема така брзо да поминат. Како што деновите стануваат се поладни така бараме некој начин да се столиме и загрееме. Еве што друго, освен топлата облека, може да ви помогне да имате потопла зима...

1.Минувајте време со пријателите. Иако доаѓате во искушение да се пикнете под ќебе и да останете сами дома, сепак подобро е да излезете надвор и да се загреете со весело друштво.

2.Храната која е богата со здрави масти како јаткастите плодови му помагаат на телото да ја одржува температурата. Затоа кога и да почувствувате студ почастете се со шака ореви или лешници, нема да зажалите.

3.Стоплете ја вашата друга половина. Освен што близината на друго тело ќе ја зголеми телесната температура, организмот ќе испушта хормон окситоцин кој го намалува стресот и крвниот притисок.

4.Раздвижете се и почнете да вежбате. Не само што ќе се чувствувате подобро и ќе изгледате поубаво, туку и ќе ја зголемите циркулацијата која ќе доведе до зголемување на телесната температура. Во ладните денови дозволете си барем една лесна прошетка на свеж воздух.

5.Пиењето на некоја топла напивка веднаш ќе ве загрее. Ако ја изберете вистинската напивка како зелен чај преполн со антиоксиданси со тоа покрај што ќе се загреете ќе направите и вистински извор за вашето здравје. Ако се одлучите за кафе, избегнувајте шлаг и многу шеќер.

6.Како и чајот, топлата супа ќе ве стопли од внатре, а освен што е вкусна е и многу здрава. Топлата супа пред ручек ќе ве засити и ќе направи да го намалите внесот на калории.

7.Додајте што повеќе зачини во вашата исхрана. Освен што ќе дадат богат вкус ќе ја покачат циркулацијата со што ќе ве загреат.

8.Неколку часа пред спиење телесната температура природно опаѓа. Затоа пред да одите во кревет припремете си топла купка која ќе ве стопли и ќе ве подготви за спиење.