Со оглед на тоа дека медиумите постојано пласираат производи и реклами кои форсираат идеална фигура, опсесијата со храна и тежина оддамна го погодува нашето општество и создава илузија дека среќата е изразена во килограмите. Прочитајте три совети како да ги прекинете негативните мисли...

Кажете си себе СТОП!
Прва работа која мора да ја направите е да прекинете со откачените мисли за диета. Не се работи за диетата: станува збор за здрави навики и исхрана. Сигурни сме дека ова сте го слушнале милион пати, но ако направите добар избор на исхрана, диетата нема да ви биде потребна. Кога вашите мисли ќе станат негативни, гласно кажете си себеси Престани! Негативните мисли не ни помагаат да успееме, туку само не уништуваат.

Следете ги своите мисли
Одвојте време да ги опишете своите мисли и чувства зошто чувствувате потреба да бидете на диета или зошто мислите дека мора да изгубите од тежината. Додека ги бележите своите мисли, одвојте време да си ги објасните своите емоции и начин на исхрана. Ако забележите одреден шаблон и дека нешто може да се промени изберете ги здравите начини на исхрана и извлечете се себеси од лошите навики.

Прифатете го своето тело
Запомнете дека среќата не е изразена во килограмите, туку во срцето и според она како го живеете животот. Кога ќе превземете контрола над својот живот, останатото ќе тргне само од себе.