Резултатите од едно истражување покажале дека 31% од жените не користат фен, бидејќи им се чини премногу напорно. Ви претставуваме неколку чекори кои ќе го олеснат сушењето на косата и ќе го направат попријатно...

Секогаш сушете ја косата со крпа пред да користите фен. Потребно е да го впиете поголемото количество вода. Така ќе го намалите времето за сушење и времето во кое косата е изложена на агресивното влијание на топлата струја. Освен тоа можете да заштедите време така што едноставно ќе ја завиете крпата околу косата околу 10 минути, за тоа време таа ќе впие голем дел од водата, а вие во меѓувреме можете да правите нешто друго.

Користете вистински алатки. Прво потребен ви е добар фен (најмалку 1600 вати), голема округла четка за волумен и голема рамна четка за исправање.

Можете да додадете волумен ако го започнете сушењето надолу. Користете пена за коса, така ќе ја кренете косата и ќе и дадете повеќе волумен.

Сушете ја косата на делови. Може да ви изгледа бавно, но всушност но напротив - така ќе ја исушите целата коса за пократок временски период. А и кога сушите на прамени, можете полесно да ја обликувате.

Не заборавајте дека најважно е да се грижите за здравјето на косата. Правилото тука е едноставно - ако почувствувате мирис на оган, престанете да ја сушите косата, за да не ја оштетите.