Сите оние кои секојдневно уживаат во кафето знаат дека кофеинот е одличен стимуланс за моментално подигање на нивото на енергија. Но, исто така знаат и дека преголемата количина на кофеин може да доведе до разни опасности по здравјето...

- Конзумиран во умерени количини, кофеинот може да биде одличен стимуланс за отпуштање на допаминот, заслужен за продуктивност и добро расположение барем на кратко време.

- Огромните количини кофеин може да имаат и штетно влијание на нашиот организам. Се што е повеќе од четири филџани кафе дневно може да доведе до нервоза, раздразливост, несоница, да му наштети на желудникот и да доведе до неправилно работење на срцето.

- Истражувања спроведени на универзитетот во Омаха покажале дека кофеинот може да го сперчи впивањето на калциумот во коските, што најмногу ги погодува старите жени. Спречете го ова дејство на кофеинот со додавање на млеко во кафето.

- Иако многумина веруваат дека пиењето кафе ќе им помогне во губењето на килограми, тоа сепак не е вистина. Вистина е дека кофеинот ќе го забрза метаболизмот и дека ќе потрошите некоја калорија повеќе дневно, но тие бројки се многу занемарливи.

- Енергетските пијалоци се богати со кофеин, но и покрај наглото зголемување на енергијата, сепак ни носат многу повеќе штета. Лименките енергетски пијалоци понекогаш содржат и до 70 грама шеќер што се незамисливи 17 чајни лажици. Кога и да можете, изберете ја поздравата опција за да ја добиете потребната доза кофеин и испијте филџан кафе или чај.