По природа имате нормална, мешовита или масна кожа, но сега со денови ве затега? Без грижа, вашата кожа не станала сува, едноставно е дехидрирана...

Кожата ја губи влажноста под влијание на студ и ветар, но и поради сувиот воздух во канцелариите при што доаѓа до чувство на непријатно затегнување. Овој проблем е лесно да се реши, но важно е да изберете правилни препарати и да бидете упорни.

1.Пијте повеќе вода и чај а помалку кафе
Премногу кофеин може да влијае на дехидрираноста на кожата па така филџанот кафе подобро да го замените со чај, а во текот на денот внесувајте барем 1,5 литри вода во телото.

2.Почнете да користите хидратантни креми
Хидратантните креми ќе ја врата влажноста на вашето лице и ќе го отстранат чувството на "сувост". Користете ги во текот на целата зима.

3.Хидратантни лосиони
По чистењето и миењето, лицето го губи својот заштитен слој па добро е да нанесете хидратантен лосион кој ќе продре длабоко во кожата и така ќе и ја обезбеди потребната влажност и ќе го подготви лицето за хидратантната крема. Ако секогаш сте во брзање изберете лосион во спреј.

4.Заштитен фактор
Заштитниот фактор е доста потребен во зима па затоа секогаш купувајте дневни креми кои веќе го имаат во себе. Сонцето можеби не се гледа, но штетните зраци секогаш продираат преку облаците, дури и во зима.

Предупредување - Немојте да ги менувате хидратантните креми за оние наменети за сува кожа. Густата хранлива крема само ќе и наштети на мешовитата и масна кожа.