Секоја година милиони луѓе ширум светот фрлаат големи суми и напор за диети, фитнес, адитиви, операции, но експертите почнуваат да се сомневаат дали проблемот со дебелината е поврзан само со храната и вежбите...

Тие сметаат дека силата на мислата има замешано прсти и во тоа.

Комуникацијата помеѓу мозокот и телото е непрекината. Мозокот е тој што ги командува сите процеси во организмот. Специјалистот за исхраната и движењето Џенет Томсон, автор на книгата "Мисли повеќе, јади помалку", вели дека проблемите со килограмите се должат на збунети пораки со кои мозокот се обидува да ги саботира обидите за слабеење.

Ако некој ви каже дека сте "добро оформени" или "малку полни", или "диетите се губење на време", мозокот ви ги снима овие тврдења и без да сфатите се гради емоционална врска со храната. Почнувате да јадете не само кога сте гладни а и не застанувате кога ќе се најадете.

Џенет Томсон смета дека, сепак, програмата за ментални вежби може да ги зголеми шансите за трајно слабеење:

- Често замислувајте си како ќе изгледате по неколку месеци, кога ќе ја достигнете посакуваната тежина - слаби и здрави. Визуелизирајте како ќе изгледате по три месеци, а потоа по шест. Правете го тоа минута пред да си легнете и откако ќе станете кога сте сеуште поспани. Создавањето на позитивни емоции помага за генерирање на верба во способноста за успех.

- Запишете си точно што сакате да постигнете - да влезете во оние фармерки, кои стојат на крајот на гардероба и ви се подбиваат секој пат кога ги облекувате торбестите панталони со ластик на половината. Напишете и што сте подготвени да направите за да ги постигнете своите цели - "ќе јадам помалку", "ќе спортувам повеќе", итн. Секој ден прочитајте го напишаното на глас, за да се мотивирате.

- Откријте ги мислите и однесувањето кои ве спречувале да постигнете посакуваното во минатото - направете листа на работите кои ја зголемиле вашата половина (премногу вино, готова храна, колачи ...). Потоа направете листа на работите кои ќе го променат овој тренд - ќе пиете помалку, ќе планирате мени со здрава храна, итн.

- Водете дневник на исхрана - пишувајте се што јадете. Истражувањата покажуваат дека дури и да не ја ограничите свесно храната, дневникот ве тера да внимавате повеќе што јадете.

- Поминувајте повеќе време со луѓе кои исто така сакаат да ослабат или веќе ја имаат постигнато целта. Нивниот успех или желбата за него ќе ве мотивира дополнително, бидејќи ќе знаете дека не сте сами во оваа битка.

- Следете две едноставни правила - никогаш не се наградувајте со храна (јадете само за задоволување на потребата од енергија) и никогаш не си забранувајте нешто за јадење (забраната само ќе го направи попосакувано).