Мрднете малку! Дури и умерена физичка активност, ако е редовна, може да го продолжи животниот век, покажуваат резултатите од една шведска и пет американски студии, кои ги анализирале стручњаци од Националниот институт за рак во САД...

Во овие студии биле опфатени околу 650 000 луѓе со најмногу 40 години. Утврдено е дека пешачењето во треање од 75 минути неделно (што е само половина од препорачаната доза на движење) го продолжува животниот век за 1,8 години.

Светската здравствена организација препорачува неделно да се пешачи барем 150 минути. Кој се придржува на таквиот режим може да смета на живот подлог за 3,4 до 4,5 години, утврдил американскиот тим.

Од друга страна, физички недоволно активна особа може да смета на пократок живот без оглед на тоа какв индекс на телесна маса има.

Кога лицето е физички активно и има нормален индекс на телесна маса (од 18,5 до 24,9) неговиот очекуван животен век е подолг за 7,2 години од животниот век на лице кое не е физички активно, а со тоа и гојазно, со индекс на телесна маса од 35 и повеќе.

Значи според овие студии за должината на животот е поважно движењето отколку индексот на телесната маса. Така лице со нормална тежина, кое не е доволно физички активно, може да очекува дека ќе живее 3,1 година помалку од физички ативните но гојазни лица со индекс на телесна маса од 30 до 34,9.