Одржувањето на стегнати гради и сјајно деколте е главна грижа на сите жени. Секоја од нас би сакала да се гордее со стегнати и подигнати гради, но за таа цел треба да се грижите за градите, како што се грижите за секој друг дел од телото...

Областа на деколтето е деликатна зона и бара повеќе нежност и внимание отколку остатокот од телото.

Ако сте упорни тоа што сигурно ќе го постигнете е секси и стегнати гради! Мисијата е можна, само треба да верувате во себе и да положите малку напор!

Вежбајте, за да имате убави и стегнати гради. Спортот е основното средство за борба против стареењето и опуштањето на кожата на градите.

Пливањето, тенисот, одбојката, како и секојдневните прошетки ќе ја задржат вашата фигура непроменета за подолго време. Уживајте во есенските прошетки, пред навистина да стане ладно и да се борите со белите снегулки.

Доброто и правилно држење ќе помогне за поубави гради. Држењето треба да ви биде со исправен 'рбет и рамената назад. Така градите се креваат и изгледаат оформено и концизно.

Седете со исправен грб, а додека одите замислувајте си дека носите предмет на главата - така ќе добиете прекрасно и правилно држење.

Совети кои треба да ги следите:

Тренирајте ги градните мускули.

Секој ден, додека се туширате, правете контрастни тушеви и хидромасажи, кои се многу корисни за градите.

Избегнувајте "диети", кои "гарантираат" брзо симнување на килограми. Во менито задолжително треба да присуствуваат јајца, овошје, јогурт, варено пилешко, немасно млеко, риба.

Пијте доволно течности.

Не ги потценувајте спортските градници ако вежбате подинамични спортови, каде што има многу скокање. Мислете на подолг рок и грижете се за градите дури и во најмалите детали.

Одете исправени и со самодоверба. Сепак сте дама, која треба да се гордее со тоа што го има!