Велат дека луѓето се делат на два вида, на оние кои денот им започнува без кафе и на оние кои таквото нешто им е незамисливо. Поврзаноста меѓу дебелината и кафето не лежи во самата напивка, туку во навиките на луѓето кои ја конзумираат. Еве неколку начини како да ослабите без да се откажете од кофеинот...

1.Кафе наместо доручек
Доручекот е најважниот оброк во денот, но луѓето кои обожуваат кафе често го заменуваат со топол филџан од оваа напивка. А со кафето секогаш јадат нешто, најчесто бираат масни пецива и нездрави грицкалки.

Решение
Нека кафето никогаш не ви биде првата работа која ќе ја внесете во организмот. Испијте ја дури после здравиот и хранлив доручек.

2.Пиење на висококалорични кофеински напивки
Многу сметаат дека кафето нема многу калории, а додека тоа можеби важи за филџан црно кафе, разните напивики со натпис 2во1, Капучино од чоколадо и лешник или слично имаат многу калории, толку многу што еден филџан би можело да замени еден солиден сендвич.

Решение
Ако сакате да ослабите, на некое време заборавете на слатките напивки од ќесичка. Подобро одлучете се за чај или за црно кафе со малку вештачки засладувач и капка нискокалорично млеко.

3.Кафе наместо теретана
Луѓето кои пијат многу кафе најчесто се движат помалку од оние кои пијат чај и се трудат да живеат здраво.

Решение
Следниот пат кога пријателката ќе ве повика на кафе со слатки, подобро предложете и прошетка низ град и разгледување на излозите со добар трач. Така ќе го разбудите телото и ќе согорите неколку калории.

4.Пет кафиња на ден
Зависниците од кафе се слични на пушачите, воглавно пијат кафе од навика а не од уживање па така знае да се случи да испијат 5-6 филџани во еден ден, што никако не е добро за здравјето а ни за формата.

Решение
Дисциплинирајте се самите себе и научете да функционирате со 2 до 3 филџани кафе дневно. Распоредете ги како сакате, но запомнете, стручњаците сметаат дека најдобро е да ги пиете меѓу оброците и пред 18 часот.