Алкохоличарите во просек живеат 20 години пократко отколку луѓето кои не се зависни од алкохол, покажа истражувањето на научниците од германскиот Универзитет Греифсвалд.

Резултатите од истражувањето во кое за време од 14 години учествувале 149 алкохоличари на возраст меѓу 18 и 64 гдини покажале дека претераното конзумирање алкохол убива побрзо отколку пушењето и дека посебно загрозени се жените.

Смртноста кај жените зависни од алкохол е околу 4,6 пати поголема отколку кај луѓето кои не пијат, додека кај мажите таа стапка е пониска за 2,6 пати.

Испитаничките во просек умирале на 60 години, а мажите на 58, што значи дека животниот век им се скратил за 20 години, потврдила студијата.

За разлика од цигарите, последиците од претераното конзумирање на алкохол се видливи порано и затоа алкохолот предизвикува порана смрт отколку цигарите.

„Освен тоа, алкохолот допринесува на ризично однесување и го зголемува ризикот од дебелост“, вели водачот на истражувањто, Улрих Џон.