Доколку сакате да ослабите, од исхраната треба да го исфрлите шеќерот, мастите и храната која се означува како нездрава. Точно? Неточно. Стручњаците од списанието за здравје и фитнес "Shape" велат дека и нездравата храна има свои "здрави исклучоци", кои не треба целосно да се исфрлат од исхраната...

1.Сини М&М бомбони
Едно од најинтересните истражувања поврзани со храната покажало дека сината боја која се користи при производтвото на бомбоните М&М има неверојатно дејство врз 'рбетот. Таа супстанца помага при брзо заздравување на пациентите со "проблематичен грб" па така конзумирањето на овие симпатични слатки воопшто не треба да се избегнува.

2.Пуканки
Иако често се наоѓаат на "црната листа", пуканките се богати со протеини и антиоксиданси кои го намалуваат ризикот од срцеви заболувања и некои видови на тумор. Само внимавајте да не ги премачакте со масло и да не ги зачините со шака сол.

3.Црвено вино
Ок, виното не е лоша храна, но често се забранува кога е здравата исхрана во прашање. Сепак, новите истражувања покажаа дека луѓето кои конзумираат црвено вино имаат помалку сало на стомакот и потенка половина па од ова мало уживање навистина не е потребно да се откажете.

4.Пиво
Девојките кои сакаат да пијат пиво ќе ги воодушеви веста дека оваа напивка е добра за коските, косата и кожата па може да се конзумира неколку пати неделно. Сепак, важно е да не се претерува за да не добиете "пивско стомаче".

5.Чоколада
Умерената конзумација на темна чоколада позитивно влијае на вашето расположение, но и на здравјето бидејќи го намалува ризикот од срцев и мозочен удар, го зголемува нивото на "добриот" холестерол и помага во борба против дијабетис.

6.Кечап
Иако содржи многу сол, кечапот е направен од домати и така е полн со силни антиоксиданси кои го намалуваат ризикот од кардиоваскуларни заболувања. Органскиот кечап е поздрав и поквалитетен избор затоа што содржи помалку сол и конзерванси и повеќе материи кои позитивно делуваат на нашето здравје.