Забите треба да ги миеме после секое јадење, тоа го научивме како деца кога родителите и стоматолозите не учеа дека треба да ги четкаме најмалку две минути. Но, доколку се најдете во прилика без четка за заби некои намирници можат да ви помогнат во остранувањето на нечистотијата од вашата усна шуплина...

1.Јаболка
Јаболкото содржи фосфор, калциум и флуор и го спречува развојот на кариес, а докажано е и дека ова овошје подобро ги чисти забите од било која четка делувајќи двојно - механички и физички.

2.Свеж морков
Со џвакањето на морков се стимулира производство на плунка, која помага во отстранување на заостанатата храна. Освен тоа, влакната од морковот делуваат како четка за забите и непцата.

3.Целер
Целерот ги штити забите на два начина. Џвакањето на целерот предизвикува лачење на состојка која ги неутрализира бактериите кои предизвикуваат кариес. Исто така, ова намирница преку џвакањето продира меѓу забите, ги масира непцата и ја чисти усната шуплина.