Се чини дека бојата на плодот има значење, бидејќи ни сугерира како ќе влијае врз нашето здравје. Портокаловото овошје и зеленчук ја намалуваат депресијата, а зелените помагаат при стрес...

Есента е депресивна сезона, кога нагло се зголемуваат самоубиства и употребата на антидепресиви. Лекарите сепак препорачуваат да се свртите кон природните производи за да ги избегнете несаканите ефекти на лекови.

Најефикасни против депресијата во мрачните денови до крајот на годината се портокаловото овошје и зеленчук. Тие содржат витамин C, кој го намалува крвниот притисок, кој се зголемува при стресна ситуација.

Слатките компири, сувите кајсии, моркови и портокалите се корисни за организмот во ова време од годината. Тие се богати со магнезиум и се природен мускулен релаксант. Бадемите исто така се погодни, поради содржината на витамини Б и Е, кои го зајакнуваат имунолошкиот систем и го креваат крвниот притисок.

Зелениот зеленчук и овошје пак го компензираат недостатокот на магнезиум, ја смируваат мигрената и го намалуваат заморот. Спанаќот е најдобриот антидепресив, а сличен ефект имаат и брокулата и зелката. Тие се како "централа" за витамини кои помагаат во реконструкцијата на организмот за време на стрес.