Британска агенција за надзор на лекови и медицински производи одобрила лечење со боток за возрасни луѓе кои имаат хронични мигрени, што значи главоболка да имаат најмалку 15 дена во текот на месецот, а симптомите на мигрена најмалку 8 од тие 15 дена.

Ботоксот така стана прв лек за первенција на хронични мигрени кој доби дозвола од надлежните институции во Велика Британија.

До одобрување дошло по третата фаза на клиничкото испитување во кое учествувале 1.384 пациенти, а кое покажало дека пациентите кои примиле ботокс во поедини мускули на главата и вратот, во просек помалку дена чувствувале главоболка и мигрена отколку пациентите кои добиле плацебо.

Во британското здружение на пациенти кои мачат мака со мигрената го поздравија тоа одобрување, но истакнуваат дека хроничната мигрена моментално е недволно испитана и често им се „протнува“ на лекарите, поради што ретко се лекува.

Мигрената е една од најчестите видови главоболки која се јавува периодично, а се проценува дека од неа страдат 8 до 20 проценти од популацијата.