Жените кои ги откажале цигарите пред да наполнат 40, живеат 9 година повеќе во споредба со оние кои продолжиле да пушат...

Ова го покажуваат резултатите од истражувањето на Универзитетот Оксфорд, објавено во списанието "Ланцет". Истражени биле 1.2 милиони Британки - пушачи и непушачи. "Ако една жена ги откаже цигарите пред да наполни 40, може да добие 8 до 9 години дополнителен живот. Ако пак ги откаже на 30, ќе живее најмалку 10 години подолго", забележува Ричард Пето од истражувачкиот тим.

"Сепак, треба да знаете дека дури и да ги откажете цигарите на 40, најверојатно и тогаш ќе живеете пократко од еден непушач. Смртноста кај пушачите е од 20% до 50% повисока во споредба со оние кои никогаш не ставиле цигара во уста ", нагласува Пето. "Дури и да пушите по 10 цигари на ден, ризикот од рана смрт пак е голем. Значи, најдобро откажете ги веднаш!"

Пета исто така истакнува дека е заблуда верувањето дека лесните цигари се помалку штетни. "Повеќето жени пушат лесни цигари, како на пример Слим - со ниска содржина на никотин и катран. Но, немојте да мислите дека употребата на такви цигари носи помал ризик за здравјето! Цигарите Слим го скратува животот исто толку колку и останатите цигари".