Жените кои пијат дури и по една чаша газиран пијалок на ден ја зголемуваат опасноста од мозочен удар, утврдија јапонски научници...

Секојдневната конзумација на слатки газирани пијалоци го зголемува за 80% ризикот од згрутчување во мозокот, открија истражувачите. Кај мажите, сепак опасноста не е толку голема. Откритието на научниците од Универзитетот во Осака делумно ја потврдува американската студија, објавена претходно оваа година, што покажа дека пиењето на слатки газирани пијалоци или нивна нискокалорична алтернативи го зголемува ризикот од мозочен удар кај двата пола.

Бројни истражувања ја поврзаа конзумацијата на газираните пијалаци со опасност од прекумерна тежина и дијабетес тип 2, кои се ризик фактори за мозочен удар. Малку истражувања ја разгледувале точната врска меѓу конзумирањето на газирани пијалаци и крвта во мозокот.

Научниците од Осака истражиле близу 40 000 мажи и жени на возраст меѓу 40 и 59 години во текот на повеќе од 18 години, така што ги документирале нивните прехранбени  навики, вклучувајќи ја конзумацијата на безалкохолни пијалаци. Во овој период близу 2000 доброволци добиле мозочен удар.

Тие ги анализирале пијалоците кои вообичаено ги пиеле настраданите и ги споредиле со оние кои не добиле згрутчување во мозокот. Резултатите покажале дека жените кои пиеле безалкохолни газирани пијалоци секојдневно ја зголемиле шансата да добијат мозочен удар за 83%, во кој грутка го запира снабдувањето на мозокот со крв.