Етеричното масло од лаванда е корисно за многу работи, но дали знаевте дека за кратко време може да ги намали и излечи мозолчињата?...

Овој природен и ефтин "магионичар" е извонреден за девојки на кои повремено им избиваат мозолчиња и акни, а на лицето може да го нанесете без страв затоа што маслото од лаванда е едно од ретките кои можат директно да се нанесат на кожата.

Направени се многу истражувања кои покажале дека маслото од лаванда брзо и ефикасно ги отстранува мозолчињата, но и симптомите кои настануваат поради нив, како што се црвенило или краткотрајни белези.

Како да го користите?
Постапката е многу едноставна. Ставете капка масло на вата или на стапче за уши и нежно тапкајте на мозолчето. Ако имате чувствителна кожа, на секоја капка масло додајте и малку вода.