Беспрекорниот тен е нешто што секој го посакува и се труди да го има. Неретко трошиме мало богатство на креми кои би требало да ни помогнат во нега на кожата, но сепак - вистината е дека убавината доаѓа од внатре, делумно. Ви претставуваме неколку намирници кои ќе ви помогнат во одржување на кожата...

Авокадо
Ова зелено овошје е значително богато со есенцијално масло и витамите од Б комплексот кои ја негуваат вашата кожа, како од внатре така и од надвор. Витаминот Б3 е посебно важен за убавина и здравје на кожата, а авокадото е намирница која го поседува во обилни количини.

Манго
Мангото содржи повеќе од 80% од потребната доза за витаминот А, кој ги одржува и обновува клетките на кожата, Тој витамин исто така делува и антиоксидантно, што значи дека се бори со слободните радикали кои предизвикуваат предвремено стареење на кожата. Освен тоа, мангото содржи од прилика 70 калории по парче, што значи дека е добро не само за вашата кожа, туку и за вашата линија.

Бадеми
Бадемите се совршена намирница за одржување на тенот бидејќи се богати со витамин Е кој ја хидратизира кожата и ја штити од појава на знаци на стареење.

Печурки
Печурките, освен за супа, се одлични и за вашата кожа. Тие изобилуваат со витамин Б2 кој е значително важен за одржување на малдешкиот тен. Тој на кожата делува така што ја обновува и ги отсранува иритациите и црвенилото.

Ленено масло
Не е тајна дека омега3 масните киселини се елексир за здравје на вашата кожа, но дали знаевте дека лененото масло е еден од најдобрите извори на тие масни киселини? Ова е одлична вест за сите оние кои не се љубители на специјалитетите со риба. Омега3 масните киселини исто така делуваат на намалено лачење на себум и отварање на порите, поради што вашата кожа ќе изгледа беспрекорно.