Состојка во зелениот чај, позната како полифенол Е, го инхибира растот и миграцијата на туморските клетки, покажуваат резултатите од американско истражување...

Д-р Кетрин Кру од Универзитетот Колумбија во Њујорк и нејзините колегите изјавија дека откритието го направиле додека ги анализирале резултатите од истражувањето со полифенол Е, кое опфатило 40 жени кои се погодени од негативен за хормонални рецептори, рак на дојка.

"Голем број претклинички испитувања го фокусираа вниманието на епигалокатехин 3 - една од главните состојки во зелениот чај, и различните можни механизми на нејзиното влијание против ракот, но многу е тешко истото да се направи во истражување со луѓе, појасни д-р Кру.

Ова истражување е со премногу мали размери, за да се каже со сигурност дали зелениот чај го спречува ракот на дојка. Тоа, сепак, е чекор напред во истражувањето на противраковите механизми. "

Во рамките на истражувањето учесничките земале 400, 600, 800 милиграми полифенол Е или плацебо два пати дневно во веметрање од 6 месеци. Научниците им земале примероци од крвта и урината на два, четири и шест месеци по почетокот на истражувањето.

Се покажало дека по првите два месеци жените кои земале екстракти, се со значително намалени нивоа на хепатоцитни, фактор кој е од значење за развојот на ракот на дојката, во споредба со учесничките, кои земале плацебо. По четири и шест месеци разликите не биле статистички значајни.

Добиените резултати се презентирани на годишната меѓународна конференција на Американската асоцијација за онколошки истражувања во Лос Анџелес.