Децата кои јадат повеќе брза храна ќе имаат понизок коефициент на интелигенција (IQ) од оние кои јадат свежи и готвени јадења, покажа најнова студија.

На сите им е добро познато дека исхраната во детството е многу важна, но дали има влијание и на IQ? Ново истражување испитало што децата јадат секој ден за ручек и дали тие навики имале влијание на нивните когнитивни способности и раст. Во истражувањето учествувале 4.000 деца на возраст од три до пет години, а било спроведено од универзитетот во Лондон.

Тие ги споредувале влијанијата на брзата храна со влијанијата на свежо готвените оброци и излегло дека исхраната има влијание на IQ на децата дури и кога сите други фактори како интелигенцијата на рана возаст и имотната сосотојба на семејството ќе се земат во предвид. Со други зборови, истражувачите воочиле дека почестото конзумирање на јадења припремени од свежи намирнции има позитивно влијание на IQ.

„И здравиот разум налага дека храната која ја јадеме влијае на развојот на мозокот. Но, претходните истражувања во главно се базираа на влијанијата на специфични намирници, а не на типови на оброци“, кажа д-р Софи Вон Стум. Додаде дека свежината и квалитетот на исхраната се поважни од самата ситост, со оглед на тоа дека некои родители поради работа немаат време да им подготвуваат здрава храна на своите деца.

Интересно, во август е објавена една австралиска студија која има слични откритија. Истражувањето покажало дека децата кои јадат брза храна во просек имаат два поени понизок IQ од своите врсници кои својата исхрана ја темелат на здрави намирници. Исто така една американска студија објавена во 2010 година покажува дека децата кои јадат пица и пржена храна пред третата година имаат пет поени понизок IQ од врсниците кои јаделе свежо овошје и зеленчук.