Витаминот Ц обезбедува заштита од остеопороза, покажуваат резултатите од американско истражување. Д-р Моне Зајди од медицинскиот институт Мауна Синај во Њујорк и неговите колеги им ги отстраниле јајниците кај глувци и ги споредиле глодарите со оние во контролната група, чии јајници не биле отстранети...

Глувците со отстранети јајници биле поделени во две групи, една група на глодари 8 недели примале големи дози витамин Ц, додека оние во другата не земале никакво количество од витамини. Научниците потоа вршеле мерење на коскената густина.

Се покажало дека глувците со отстранети јајници кои не земале витамин Ц, се со помала коскена минерална густина, во споредба со контролната група, додека оние со отстранети јајници кои примале значителни количества витамин Ц, се со приближно иста коскена минерална густина како глодари во контролната група на кои не им биле отстранети јајниците.

Добиените резултати покажале дека витаминот Ц го спречува губењето на коскена минерална густина, велат научниците. Тие мислат дека резултатите од истражувањето ќе имаат голема примена во јавното здравство.