Иако штиклите се совршен украс за женските нозе, Лана Дел Реј уште еднаш потврди дека на убаво тело се му стои убаво и сечените ултра-кратки фармерки ги зачини со едноставни, многу црвени платнени патики.

Откако ја промени бојата на косата и стана темна бринета, 26 годишната Лана Дел Реј изгледа како тинејџерка.

На нејзиниот млад имиџ во корист му оди и нејзиниот стил на облекување затоа што Лана е голем љубител на опуштена облека со доза на ретро стил. Така, убавицата со романтичен глас за вечерно излегување избра комбинација од ултра кратки сечени фармерки и обична бела маичка со кратки ракави.

Меѓутоа, наместо со штикли, пејачката своите витки нозе ги зачини со обични платнени патики чија светло црвена боја беше во склад со бојата на нејзините лакирани нокти, со кои на својот стил му даде доза на елеганција.