Последните неколку години од сите страни сме бомбардирани со пораки и совети за работи кои наводно се добри за нашето здравје. Повеќето од нас се трудат да јадат здраво и од толку информации стануваме малку збунети што всушност е здраво. Страницата bonappetit.com ни претставува кои здрави намирници можеби не се толку добри за нас...

Мешавина од житарки и сушено овошје
Во мали порции ваквата комбинација може да претставува доста здрав доручек богат со влакна, кој помага во намалување на холестеролот. Големите порции од овој вкусен доручек сепак многу штетно делуваат на нашето здравје и линија. Поголемите пакувања од ваките житарки содржат и голема доза на шеќер. Половина филџан (2,5 dcl) содржи од 500 до 250 калории, па затоа ако уживате во ваков доручек ограничете ги порциите.

Овошен јогурт
Овде се работи за уште една намирница преполна со шеќер. Еден просечен овошен јогурт содржи околу 40 грама шеќер (10 чајни лажици), што е препорачана дневна количина на шеќер за една здрава воздрасна особа. Наместо ова одлучете се сами дома да си направите природен сок од свежо овошје.

Сирење со ниска масленост
Кога се обидуваме да се ослободиме од некои вишок килограми повеќето ќе посегнеме по сирењето со мало количество на масленост мислејќи дека носиме добра одлука. Ваквото сирење е со послаб вкус и помалку заситен па поради тоа многу често јадеме повеќе отколку што сме планирале за да се чувствуваме сити а така внесуваме многу повеќе калории.

Кекси од ориз
Кексите од ориз сорджат само 60 калории по парче, крцкави се, лесни и со не толку лош вкус. Проблемот во нив е тоа што покрај ниската калорична вредност немаат ни посебни нутритивни својства со што претставуваат празни калории од кои немате никаква корст.